Konstitucija: Latgalių (LTG)

Constitution of the Republic of Užupis — Latgalian dialect of Latvian

1. Cylvāks tur tīseibu dzeivuot sūpluok Viļneitis, a Viļneite – tecēt sūpluok cylvāka.
2. Cylvāks tur tīseibu iz korstū iudini, siļdeišonu zīmys laikā i dakstiņu jumtu.
3. Cylvāks tur tīseibu nūmiert, bet ite na juo daguojums.
4. Cylvāks tur tīseibu klaideitīs.
5. Cylvāks tur tīseibu byut vīneigais.
6. Cylvāks tur tīseibu mīļuot.
7. Cylvāks tur tīseibu byut namīļojams, bet jis taids var i nabyut.
8. Cylvāks tur tīseibu byut naizsliviejs i nazynoms.
9. Cylvāks tur tīseibu natikļuotīs aba nikuo nadareit.
10. Cylvāks tur tīseibu mīļuot i žāluot kača.
11. Cylvāks tur tīseibu dasavērt suņa da vīna nu jūs myuža golam.
12. Suņs tur tīseibu byut par suni.
13. Kačs var i namīļuot sova saiminīka, tok gryutā šaļtī jam pīdar atīt saiminīkam par paleigu.
14. Cylvāks tur tīseibu kod nakod nazynuot, voi jam irā kaidi daguojumi.
15. Cylvāks tur tīseibu šuorbuotīs, bet ite na juo daguojums.
16. Cylvāks tur tīseibu byut laimeigs.
17. Cylvāks tur tīseibu byut nalaimeigs.
18. Cylvāks tur tīseibu klusēt.
19. Cylvāks tur tīseibu ticēt.
20. Cylvāks natur tīseibys varmūceit.
21. Cylvāks tur tīseibu attikt sovu seikumu i sovu lelumu.
22. Cylvāks natur tīseibys tīkavuot myužeibys.
23. Cylvāks tur tīseibu saprast.
24. Cylvāks tur tīseibu nikuo nasaprast.
25. Cylvāks tur tīseibu pīdarēt pi vysaidu tauteibu.
26. Cylvāks tur tīseibu svieteit ci nasvieteit sovys dzymtuos dīnys.
27. Cylvākam pīdar atguoduot sovu vuordu.
28. Cylvāks var daleitīs ar tū, kas jam irā.
29. Cylvāks navar daleitīs ar tū, kuo jam navā.
30. Cylvāks tur taidu tīseibu, kab jam byutu bruoli, muosys i dzymdynuotuoji.
31. Cylvāks var byut breivs.
32. Cylvāks atsoka par sovu breiveibu.
33. Cylvāks tur tīseibu rauduot.
34. Cylvāks tur tīseibu byut nasaprosts.
35. Cylvāks natur tīseibys likt iz cyta vainis.
36. Cylvāks tur tīseibu byut personiskys.
37. Cylvāks tur tīseibu naturēt nikaidu tīseibu.
38. Cylvāks tur tīseibu nasabeit.
39. Naīveic.
40. Naapsasorgoj.
41. Napasadūd.

Source: Latgaliska_UZ_Konstitucija.txt — Latgalian dialect of Latvian